دوسابق ایم این ایز اورسابق صوبائی وزیر کا جہانگیرترین کاساتھ دینے کا فیصلہ تینوں ارکان چند روز میں باضابطہ پریس کانفرنس میں آئی پی پی میں شمولیت کااعلان کریں گے

  (اُردو نیوز پاکستان تازہ ترین خبریں۔  نومبر2023ء)

دو سابق ایم ایم این ایز اور سابق صوبائی وزیر نے آئی پی پی کے سربراہ جہانگیرترین کا ساتھ دینے کا فیصلہ کیا ہے۔ آئی پی پی نے سیاسی محاذ پر تحریک انصاف کو ایک اوربڑا جھٹکا دینے کا فیصلہ کر لیا ہے۔میڈیا رپورٹس کے مطابق دو سابق ارکان قومی اسمبلی نے جہانگیر ترین سے ملاقات کی ہے۔اس کے علاوہ ایک سابق صوبائی وزیر کی بھی آئی پی پی قیادت سے ملاقات ہوئی ہے ۔

جہانگیر ترین سے سابق ایم این اے سردار ذوالفقار دُلا، سابق ایم این اے غلام محمد لالی کی ملاقات ہوئی۔ سابق صوبائی وزیرکرنل ریٹائرڈ محمد انور کی بھی جہانگیرترین سے ملاقات ہوئی۔ ملاقات میں آئی پی پی رہنما غلام سرورخان، اسحق خاکوانی ، عون چوہدری ، سعید اکبر نوانی بھی شریک تھے۔

د وسابق ایم این ایز اورسابق صوبائی وزیر نے جہانگیرترین کاساتھ دینے کا فیصلہ کر لیا ہے۔

تینوں ارکان چند روز میں باضابطہ پریس کانفرنس میں آئی پی پی میں شمولیت کااعلان کریں گے۔ جہانگیرترین نے تینوں رہنماوں کے فیصلے کا خیر مقدم کیا ہے۔

علاوہ ازیں بلوچستان سے ترین قبیلے کے عمائدین اور سندھ سے ڈاکٹر سلیم پٹھان نے سربراہ استحکام پاکستان پارٹی جہانگیر ترین سے ملاقات کرکے آئی پی پی میں شمولیت کا اعلان کر دیا، اس موقع پر آئی پی پی بلوچستان کے مرکزی عہدیداروں کے ناموں کا اعلان بھی کیا گیا، ہفتہ کو پیٹرن انچیف استحکام پاکستان پارٹی جہانگیر ترین سے ملاقات کرنے والوں میں سعد اللہ جان ترین، محب اللہ ترین، ریحانہ حبیب جالب بلوچ اور سندھ سے ڈاکٹر سلیم پٹھان شامل تھے، قبائلی رہنماؤں اور عمائدین نے جہانگیر ترین کی قیادت پر بھرپور اعتماد کا اظہار کرتے ہوئے استحکام پاکستان پارٹی میں شمولیت کا اعلان کیا، جہانگیر خان ترین نے پارٹی مفلر پہنا کر ان رہنماؤں کو خوش آمدید کہا۔